Oracle ka konfirmuar se do të bëjë TPUs (Tensor Processing Units) të Google Cloud të disponueshme përmes platformës së saj OCI (Oracle Cloud Infrastructure), me qëllim të zgjerimit të gamës së akseleratorëve të AI (Artificial Intelligence) të ofruara për klientët. Kështu, klientët do të jenë në gjendje të zgjedhin vetë harduerin që do të përdorin për të trajnuar dhe ekzeksuar modelet e AI.
Ky partnerim, i njoftuar në konferencën vjetore të kompanisë “AI World”, ofron klientëve të Oracle akses te akseleratorët e AI të krijuar posaçërisht nga Google, pa nevojën të përdorin Google Cloud, duke ofruar gjithashtu një alternativë ndaj GPU-ve (Graphics Processing Units) të Nvidia.
Ky është një zhvillim i rëndësishëm për harduerin e Google, pasi është hera e parë që një operator i madh si Google Cloud shet TPUs-të e tij.
Njësitë e Trajtimit Tensor (TPUs) të Google janë çipat e krijuar posaçërisht për të shpejtuar proceset e mësimit të makinerisë, duke përfshirë si trajnimin e modeleve ashtu edhe inferencën e AI. Ndryshe nga GPU-të e përgjithshëm, ato janë optimizuar specifikisht për inteligjencën artificiale.
Ndërkohë që Nvidia mbetet furnizuesi kryesor i akseleratorëve të AI, duke i ndihmuar të ruajnë pozicionin e kompanisë më të vlerësuar në botë, me një kapitalizim prej 5.265 trilionë dollarë, ajo përballet me një presion të shtuar nga hardueri i vet dhe nga përpjekjet e kompanive të mëdha për të zhvilluar çipat e tyre.
Presidenti i OCI, Mahesh Thiagarajan, shpjegoi se “punimet e ndryshme të AI kanë nevojat e ndryshme për sa i përket kapacitetit komputues”, prandaj është vendosur të ofrohet një alternativë për klientët.
“Gjenerata e ardhshme e AI do të kërkojë një gamë të gjerë të kapaciteteve komputuese”, shtoi Amin Vahdat, Zëvendës President i Google për AI dhe Infrastrukturë dhe Drejtor Teknologjik.
OCI po fillon këtë partnerim me TPUs-të e generatës së tetë të Google – 8t (për trajnim) dhe 8i (për inferencë). Të dy u luançuan nga Google Cloud më herët këtë vit dhe do të bëhen të disponueshme përmes OCI në vitin 2027.
Burimi: TechRadar.com
