Mund të ketë një shpresë e re në luftën kundër infeksioneve të marra në spitale. Shkencëtarët spanjollë kanë zhvilluar një lloj eksperimental të pëlhurës prej pambuku që vetë dezinfektohet, e cila aktivizohet përmes dritës së bardhë të zakonshme.
Pacientët në spitale, të dobët, janë veçanërisht të prekueshëm nga infeksionet, jo vetëm nga viruset, por edhe nga mikroorganizmat, të tilla si bakteriet dhe funget.
Më parë, kemi dëgjuar për materiale që aktivizohen me dritë dhe që mund të përdoren për të neutralizuar këto patogjenë në ambjente klinike, megjithëse këto substanca zakonisht kërkojnë lloje të veçanta të dritës, si drita e blu ose drita ultavjollë. Përkundrazi, pëlhura e re përdor dritën e bardhë të dukshme që përdoret tashmë në spitale.
Zhvilluar nga një ekip shkencëtarësh në Universitat Politècnica de València (UPV), pëlhura kombinohet me një bazë prej pambuku të rregullt me shtresa të kitosantit dhe një komponimi kimik kristalor i njohur si cianoguanidinë. Këto shtresa janë të impregnuara me dy ngjyra fotosensibile antimikrobike: blu metilen dhe rozë bengal.
Gjatë testeve laboratorike, kur u ekspozua ndaj dritës së bardhë, pëlhura dezinfektoi plotësisht bakteriet Escherichia coli në 60 minuta dhe bakteriet Enterococcus faecalis në 20 minuta. Materiali arriti gjithashtu një ulje të konsiderueshme të fungut Candida albicans në tre orë.
Më pas, pëlhura u testua në dhomat e 12 pacientëve në Spitalin Universitar dhe Politeknik La Fe në Valencia. Pjesë të saj u vendosën në çatitë e shtratit – ku merrnin dritë direkte – dhe në dyshekë – ku merrnin më pak dritë – për 48 orë. Mostra pambuku të papërpunuar u vendosën në të njëjtat pozicione si kontrolle.
“Në dhomat e spitalit, pëlhura që u ekspozua ndaj dritës mblodhi 75% më pak mikroorganizma sesa një pëlhurë e zakonshme prej pambuku e vendosur në të njëjtat kushte. Kur materiali u vendos në një zonë pa dritë direkte, ulja ishte shumë më e ulët, vetëm 25%, duke konfirmuar se efekti i saj antimikrobik varet në atë mënyrë nga ndriçimi”, thotë anëtare e ekipit, Inmaculada Andreu. “Efikasia ishte veçanërisht e lartë kundër bakterive gram-pozitive, me një ulje të pranisë së tyre prej 77,5%.”
Është e rëndësishme të theksohet se pëlhura ruajti një pjesë të madhe të efektit të saj antimikrobik edhe pas 20 cikleve të lavazhit. Dhe shkencëtarët thonë se procesi i prodhimit mund të integrohet lehtësisht në teknikave standarde të përfundimit të tekstileve.
Një artikull mbi këtë hulumtim u botua së fundmi në revistën “ACS Applied Materials & Interfaces”.
Burimi: Universitat Politècnica de València.
Burimi: newatlas.com
