Parku i erës “Trtar-Krtolin” në Kroaci përgatit një projekt modernizimi që do të rrisë kapacitetin e instaluar nga 11.2 MW në 30 MW dhe do të shtojë një sistem ruajtjeje të energjisë me bateri. Ky projekt drejtohet nga “Vjetroelektrana Trtar-Krtolin”, një filial i kompanisë gjermane të zhvillimit të energjisë së rinovueshme “wpd”. Projekti do të rrisë pothuajse tri herë kapacitetin e prodhimit të këtij impianti.
Plani parashikon zëvendësimin e 14 turbinave ekzistuese “Enercon E-48”, secila me një kapacitet prej 800 kW. Në vend të tyre, farmën e erës do ta përbëjnë pesë turbina me një kapacitet prej 6 MW secila. Kjo do të rrisë kapacitetin e instaluar nga 11.2 MW në 30 MW.
Janë planifikuar katër njësi baterish, me një kapacitet të kombinuar ruajtjeje prej 10 MW/20 MWh. Sistemi është krijuar për të përmirësuar aftësinë e impiantit për të menaxhuar prodhimin e energjisë, i cili ndryshon sipas kushteve. Gjithashtu, do të i nëvojë farmës së erës më shumë fleksibilitet për të pjesëmarrë në tregun e energjisë elektrike.
Modernizimi i impiantit ekzistues
I vendosur pranë qytetit të Shibenikut, “Trtar-Krtolin” është në funksion që nga viti 2006 dhe është e dyta farmë e erës në Kroaci. Rikonstruksioni pritet të vazojë në faza.
Punimet do të përfshijnë ndërtimin e themelve të reja për turbinat dhe instalimin e lidhjeve elektrike. Planifikimi përfshin edhe infrastrukturën komunikuese. Një pjesë e infrastrukturës ekzistuese të rrjetit dhe të energjisë do të vazhdojë të përdoret.
Burimi: SEE Energy News
