Aeroporti i Sarajeves synon të fillojë fluturime të rregullta midis Sarajeves dhe Kajros, dhe ka plane të zhvillojë bisedime me kompaninë ajrore Egyptair gjatë konferencës së tanishme “World Routes” në Frankfurt. Zëvendës-Drejtori i Përgjithshëm i aeroportit, Dino Selimović, së fundmi diskutoi mundësitë e këtij shërbimi me Ambasadorin e Egjiptit në Bosnjë dhe Hercegovinë, Walid Ahmed Abdelfattah Haggag. “Një linjë direkte Sarajevo-Kairo do të lidhte jo vetëm dy kryeqytetet, por do të hapte edhe mundësi për një lidhje më të mirë midis Bosnjës dhe Hercegovinës dhe shumë destinacioneve në Afrikë. Në të njëjtën kohë, do të përmirësonte aksesibilitetin e Sarajeves për turistët, udhëtarët biznes dhe pasagjerët e tjerë nga Egjipti dhe rajoni më i gjerë afrikan”, tha zoti Selimović. Një nga pengesat kryesore të identifikuar nga aeroporti janë kërkesat e vizave të Bosnjës dhe Hercegovinës për qytetarët egjiptianë. Aeroporti i Sarajeves ka propozuar të shqyratojë një heqje të përkohshme ose sezonale të kërkesës për vizë, ose, alternativisht, të thjeshtojë procedurat e aplikimit përmes digjitalizimit dhe procesimit më të shpejtë. Sarajevo është tashmë e lidhur me Egjiptin përmes fluturimeve sezonale charter të kompanisë “Air Cairo” për në Hurghada. Gjithashtu, kompania “Petroleum Air Services” operoi fluturime charter sezonale midis Kajros dhe Sarajeves në gusht të vitit 2025. Aeroporti i Sarajeves po pjesë merr në konferencën “Routes World 2026” në Frankfurt, ku përfaqësohet nga Drejtorja e Shërbimeve Aeroportuale, Vedrana Vikić, dhe nga Zv/Drejtori i Lartë i Shërbimeve Aviacioni, Sead Čampara. (Burimi: EX-YU Aviation News)
Burimi: EX-YU Aviation News
